14FD0BED-EEDE-474A-96F5-03478EC30917

ثور

ثور

للشاعر: عمر الفرا

ثور ..
ثور تحزم واشعل التنور .
ثور ..
من حيفا لذرة الجولان
ومن غزة لوادي الغور .
ثور ..
وصلها لعين الشمس
ثوره من الجحيم تفور .
ثور ..
الشهادة بالوطن
تعني بدايتنا بطريق النور .
ثور ..
اجبر عالكسر يجبر
بعون الله الكسر مجبور .
فجر ..
كل شرايينك
ولا تمضي العمر ناطور .
تجذر ..
بالارض شجرة
ولاتبقي جنح عصفور .
الموت أهون ألف نوبه
من العيشة بوطن مقهور .
خساره ..
للي ما يدري
بأي لحظه لزوم يثور .
زلزلها
.. تهز القاع

دمر
.. كل حديد السور .
تعلمنا بتواريخ البشر كلهم ..
العصابة تنتهي بجوله
وعلى طول الشعب منصور .

ثور ، ثور ..
يامستعمر أرض بلادي ..
كل شي تغير ، كل شي تحول
لاتحلم برجوع الماضي
غير الثورة – الطلقة لا تتأمل .
أرض بلادي ..
ملك أولادي
ملك الحنطه
وملك المنجل .
غلط وجودك فوق ترابي
غلطك تاريخي من الأول .
جيتك ، ترى جيتك
أنا جيتك ..
ما تعرفني شلون
بأي شكل بأي لون .
نوبه
تلقاني بسيارة ،

ونوبه
تلقاني بطيارة ،

ونوبه
جني بوسط البحر
بزية ، من زي البحارة

ونوبه
تلقاني بالسوق تعاود
تلقاني بالحارة.
بصفارة إنذار أطلعلك

بالزمور بضو الشارة
أطلعلك

من تحت فراشك
أطلعلك

من بين أضراسك
اطلعلك

من وردة جوري ،
من شوكه بتين الصبارة ،
من المركب ،
من رمل بلادي ،
من حموله تهرب أمجادي ،
من تله من سفح الوادي
من شجره وسط البيارة .
هذي حلولي

فكر بيها ، خطط واسرح ، روح تأمل .
حللها ، فكر على مهلك ،
ياتقبلها – أو ما تقبل .
قصتنا لازم ننهيها
ولو تشلع قلبك ما نرحل .

x

‎قد يُعجبك أيضاً

4EFDDCFB-7FF3-4F2D-AAD6-FCA146420E2B

عيناكِ راهبتان

عيناكِ راهبتان بقلم الأستاذ الشاعر عبد المحسن محمد  لمَّا رآكِ ...